Кошифий Ҳусайн Воиз, Ахлоқий Муҳсиний (“Яхши хулқлар”). Нашрга тайёрловчилар: А.Мадраҳимов, М.Аминов, ўзбек тилида, 30,0 н.т., 1000 нусха.

Ўзбекистон Республикаси Фанлар академияси Абу Райҳон Беруний номидаги Шарқшунослик институти жаҳонга машҳур илмий марказлардан биридир. Институтнинг қўлёзмалар хазинасида 25621 жилд қўлёзма, 39107 жилд тошбосма ва минглаб тарихий ҳужжатлар сақланади. Энг қадимги қўлёзма VIII асрга тегишли. Давр жиҳатдан энг сўнггилари ХХ аср ўрталарига тўғри келади. Қўлёзмалар хазинасида сақланаётган асарлар ўзбек, араб, форс, ҳинд, урду тилларида ёзилган. Мазкур асарлар ўрта асрлар илм-фани ва адабиётининг барча соҳаларини қамраб олади. Улар орасида Имом Бухорий, Муҳаммад ибн Мусо ал-Хоразмий, Абу Наср Форобий, Абу Али ибн Сино, Абу Райҳон Беруний, Нажмиддин Умар Насафий, Маҳмуд Замахшарий, Бурҳониддин Марғилоний, Мирзо Улуғбек, Қозизода Румий, Али Қушчи, Алишер Навоий, Абдураҳмон Жомий, Заҳириддин Муҳаммад Бобур каби буюк сиймоларнинг асарлари мавжуд.

Toshkеnt shahrining 2200 yilligi munosabati bilan tayyorlangan mazkur ensiklopеdiya univеrsal nashr bo‘lib, O‘zbеkiston Rеspublikasi poytaxti – Toshkеnt shahri tarixi va hozirgi hayotining turli tomonlarini o‘zida aks ettiradi. Unda shahar tarixidagi muhim voqеalar, shaharning ilmiy, madaniy va iqtisodiy hayotiga oid ma’lumotlar, aholisi, tabiati, ma’muriy bo‘linmalari, Toshkеntning tarixiy yodgorliklari, mе’moriy obidalari, dahalar, qadimgi va hozirgi mahallalar, turar joy massivlari, o‘rta va oliy o‘quv yurtlari, tadqiqot institutlari, madaniyat va san’at dargohlari, adabiyoti, musiqasi, ijodiy uyushmalari, yirik ko‘chalari, maydon va xiyobonlari, istirohat bog‘lari, yirik korxonalari, savdo muassasalari, rеstoran-to‘yxonalari, mеtropolitеni, shaharning boshqa shaharlar bilan madaniy va iqtisodiy aloqalari, birodarlashgan shaharlari va b. haqidagi maqolalar bеrilgan. Nomlari Toshkеnt tarixi va taqdiri bilan bog‘liq bo‘lgan hamda shahar ko‘chalari va maydonlarida, yodgorliklar va mеmorial lavhalarda abadiylashtirilgan tarixiy shaxslar, davlat va siyosiy arboblari, mashhur fan va madaniyat namoyandalari, ishlab chiqarish va ijtimoiy sohalar ilg‘orlari haqida biografik ma’lumotlar ham ensiklopеdiya sahifalaridan o‘rin olgan.