Луғатга рус тили нуқтаи назаридан зарур ҳисобланган ва энг кўп қўлланадиган 5000 сўз, муҳим ибора ва турғун бирикмалар киритилган.

Сўзлашув тилига хос, махсус соҳалардагина қўлланадиган тор доирадаги, эскирган, дағал сўз ва иборалар луғатда берилмади. Соф русча сўзлар билан бир қаторда, тилда фаол ишлатиладиган ба’зи ўзлаштирма сўзлар, айниқса, байналмилал атамалар луғатдан ўрин олган.

Сўз танлашда сўзларнинг қўлланувчанлиги, ифодаланган тушун­чаларнинг муҳимлиги, уларнинг бошқа сўзлар билан бирика олиш ва сўз ясалиш имкониятларига э’тибор берилди. Луғатда бирикмалар танлашда ҳам русча сўзларнинг ўзаро бирика олиш хусусиятларига, русча, ўзбекча ибораларнинг ўзига хос томонларини кўрсатишга ҳаракат қилинди. Келтирилган бирикмалар танланган сўз иштирокидаги грамматик концруксиянинг типиклигини ёки сўзнинг лексик  қуршов доирасидаги хусусиятларини кўрсатиб туради.

Луғатнинг ўқув характери сўзларга берилган грамматик ма’лумотларда яққол сезилади. Ҳар бир сўзга атрофлича грамматик тавсиф берилган – уларга хос асосий грамматик шакллар, масалан, отларнинг турланиши, фе’лларнинг тусланиш хусусиятлари кўрсатилган.

Луғатда ўзбек тилида баён этилган «Рус тили ҳақида қисқача очерк» илова қилинган. Иловада асосий талаффуз қоидалари, руз тилига хос бўлган товуш алмашинишлари, сўз ўзгариш асослари, олд қўшимча ва суффикслар воситасида янги сўз ясалиш усуллари кўрсатилган.

Луғат “Ўзбекицон миллий энсиклопедияси” Давлат илмий нашриётида чоп этилган “Русча-ўзбекча луғат” (4-нашри, 2010) асосида ўзбек лотин алифбосида биринчи бор нашр этилди.

Луғат рус тилини ўрганувчи кенг ўзбек китобхонларига, шунингдек, ўзбек тилини ўрганувчиларга, умумий ўрта та’лим мактаблари ва ўрта махсус ўқув юрти ўқувчиларига, талабаларга мўлжалланган. Сҳунингдек, луғат рус тили ўқитувчиларига лексик, грамматик материалларни ўтиш жараёнида ёрдамчи восита сифатида қўл келиши шубҳасиздир.