ЧОРАК АСРЛИК ИСТИҚЛОЛ ТАНТАНАСИ
«Ўзбекистон миллий энциклопедияси» Давлат илмий нашриётида Ўзбекистон Республикаси Давлат мустақиллигининг 25 йиллигига бағишланган байрам тадбири ташкил этилди.
Тантанали тадбирга «Ўзбекистон миллий энциклопедияси» Давлат илмий нашриётида меҳнат қилган ва ҳозирда нафақада бўлган 33 нафар фахрий таклиф этилиб, байрам дастурхони ёзилди. Тадбир давомида нашриётда кўп йиллардан бери ҳалол меҳнат қилиб келаётган олий тоифали илмий муҳаррир Фахриддин Ҳасановга ва нашриётнинг энг ёш илмий муҳаррири, мустақиллик тенгдоши Мансур Жумаевга қимматбаҳо эсдалик совғалари берилди.
НАШРИЁТИМИЗ ХОДИМАСИ – НИШОН СОҲИБАСИ
«Ўзбекистон миллий энциклопедияси» Давлат илмий нашриётининг Дизайн ва компьютер бўлими оператори Мухтабар Абдуллаева «Ўзбекистон Республикаси Мустақиллигига 25 йил» кўкрак нишони билан тақдирланди.
Мухтабар Абдуллаева 1963 йил 17 февралда Тошкент шаҳрида туғилган. 1980 йилни ўрта мактабни, сўнг ўрта махсус таълим босқичини тамомлаган. 1982 йил мазкур нашриётда секретарь-машинистка бўлиб иш бошлаган.
Ўттиз тўрт йилдан буён нашриётимизда ишлаб келаётган Мухтабар опа Абдуллаева оилада 3 фарзанднинг онаси, 4 набиранинг севимли бувижони.