РАҲБАРИЯТ

«ЎЗБЕКИСТОН МИЛЛИЙ ЭНЦИКЛОПЕДИЯСИ»

ДИН РАҲБАРИЯТИ
Маҳкамов Қаҳрамон Мирфозилович
Тел.: (+99871) 244-34-38
Маҳкамов Қаҳрамон Мирфозилович 1970 йилнинг 2 июнида Тошкент шаҳрида туғилган.

Миллати ўзбек.

2001 йилда Тошкент тўқимачилик ва енгил саноат институтини тамомлаган.

Маълумоти бўйича мутахассислиги – матбаа ишлаб чиқариш технологияси, магистр.

2010 йили Ўзбекистон Республикаси Президенти ҳузуридаги давлат ва жамият қурилиши Академиясида теҳсил олган.

1988–90 йиллари ҳарбий хизматни ўтаган.

1990–92 йиллар давомида Тошкент эксперимент ишлаб чиқариш корхонаси илмий ишлаб чиқариш бирлашмасида токарь, 1993 йилдан 2000 йилгача Тошкент полиграфия комбинатида чоп этувчи, созловчи уста бўлиб ишлаган.

2000–04 йиллар оралиғида эса «Ношир» МЧЖ директори, 2004 йилдан 2008 йилгача «Шарқ» НМАКда катта уста, цех бошлиғи сифатида фаолият юритган.

2008–13 йиллар мобайнида Ғафур Ғулом номидаги НМИУ директорининг ишлаб чиқариш масалалари бўйича ўринбосари бўлган.

2013 йил 18 декабрдан бошлаб «Ўзбекистон миллий энциклопедияси» Давлат илмий нашриёти директори лавозимида фаолият юритиб келмоқда.

ДИРЕКТОР ЎРИНБОСАРИ
Абдиев Ҳабибхон Эгамшукурович
Тел.: (+99871) 244-60-75
Абдиев Ҳабибхон Эгамшукурович 1968 йилнинг 6 декабрида Сурхондарё вилоятининг Музрабод туманида туғилган.

Миллати ўзбек.

1992 йилда Тошкент давлат университетининг журналистика факультетини тамомлаган.

1990–93 йиллари «Гулистон» журналида мусаҳҳиҳ, мухбир; 1993 йил «Нафосат» журналида бўлим муҳаррири; 1993–95 йиллари «Гулистон» журналида бўлим муҳаррири, 1995 йилдан 1996 йилгача «Кўзгу» газетаси бўлим мудири сифатида фаолият юритган.

1996–97 йиллари эса Қомуслар Бош таҳририяти Ижтимоий фанлар муҳарририятида 2-тоифа илмий мутахассис бўлиб ишлаган.

1997 йилдан 2008 йилгача «Ўзбекистон миллий энциклопедияси» ДИН Тил ва адабиёт илмий таҳририяти 1-тоифа илмий муҳаррири, Адабиёт ва санъат илмий таҳририяти етакчи илмий муҳаррири, 2008–14 йиллари нашриётимизнинг Адабиёт ва санъат илмий таҳририятида масъул муҳаррир-таҳририят мудири бўлиб ишлади.

2014 йили Чўлпон номидаги НМИУда бош муҳаррир лавозимида фаолият юритди.

2014 йилдан ҳозирги лавозимида ишлаб келмоқда.

ИҚТИСОДИЙ МАСАЛАЛАР БЎЙИЧА ДИРЕКТОР ЎРИНБОСАРИ
Турдиев Шерзод Абдурахманович
Тел.: (+99871) 244-07-47
Турдиев Шерзод Абдурахманович 1978 йилнинг 17 июлида Тошкент шаҳрида туғилган.

Миллати ўзбек.

2008 йилда Тошкент давлат аграр университетини иқтисодиёт (қишлоқ хўжалигида) мутахассислиги бўйича тамомлаган.

1996–2004 йиллари «Солиҳ ва ўғиллари» МЧЖда автомототехникани таъмирлаш бўйича чилангар, ҳайдовчи-экспедитор; 2004–13 йиллар оралиғида АТБ «Капиталбанк»да турли лавозимларда фаолият юритиб келган.

2014 йилдан бошлаб «Ўзбекистон миллий энциклопедияси» Давлат илмий нашриётида иқтисод бўйича директор ўринбосари лавозимида ишлаб келмоқда.